Ang ngan kay Maria

... pasabot bitter o pait, sea of bitterness o dagat sa kapait, nag gikan sa pulong sa mga Hebrew, kini pipila lang sa gigikanan sa aning pangalana.

Kinsa sa ato ang wa'y kaila nga ginganlag Maria? Ug wa, dili ka katoliko o kaha wa mo nasakop o colonia sa Espanya ug Amerika, o gane gikan ka sa wa mailhing dapit kas kalibutan.

Sagad na nga ngan ang Maria diri sa atong nasud tungod kay mayorya sa mga katawhan Katoliko ug na'y impluwensya sa Kastila ug Amerikano. Ug atong paminawon kinaraan nga ngan. Gane Maria ang pangan sa usa ka pinaka sikat nga karakter sa libro nga ginama sa atong pambansang bayani nga ni Dr. Jose Rizal nga Noli Me Tangere, Maria Clara nga anak ni Padre Damaso para sa wala kahibalo. Maria pod ang ngan sa inahan ni Kristo, ang labing ilado nga Maria sa tibook kalibutan. Ug ang inahan sa demokrasya sa Filipinas, si Maria Corazon Aquino, nga inahan pod ni PNoy.

Kadaghan ni Maria. Pipila sa atong nailhan sila si:
Maria Mercedes, kahinumdum pa ba mo? ngan ni Thalia, usa ka inilang artista sa nasud sa Mexico. Daghan sa ato ang na nalingaw aning pasundayag sa telebisyon. Gane ingon ang uban, diri nagsugod ang hilanat Mexican Telenovela natong mga Filipino kay doot-bukog atong pagsabot sa naulahi.
Maria Rainer sa The Sound Of Music, kaila mo? Salida na adtong circu 1959. Usa sa mga popular nga salida sa tanan panahon ug edad. 
Maria Ozawa, kaila mo? Sa mga bagong sibol ug hilig sa internet, segurado ko kaila mo. Sa wala, siya sa ka iladong AV o Adult Video actress gkan sa nasud Japan. Usa ka maanyag nga babaye nga may sagol dugo sa  French, Canadian ug Japanese.
Maria Sharapova, sikat nga tennis player sa laing nasud.

Atong mabantayan nga sukad pa sa panahon sa bibliya daghan nga mga inilang tao labi nga mga babaye ang ginganlag Maria. Hangtod karon ubay-ubay gihapon sila. Ingon sa talaan, ika-86 ang ngan nga Maria sa pinaka popular nga nga sa tibook kalibutan. Layo ra kung itandi sa ngan nga Isabella ug Sophia nga una ug ikaduha sa talaan.

Ug ato lang susihon ug maayo, pipila kanila may mga maayong dungog ug naila sa maayong gawe nga gane pipila ka tao o ang tibook kalibutan dili kalimot nila. Ang uban pd naila nga sukwahe sa nahiunang mga buhat. Naila tungod kay buluyagon ug dili makiangayon ang gawe sa sila pa buhi.

Usa pod kini sa mga pangan nga di mabuhi o di makompleto ug di sumpyan ug lain o ikaduhang pangalan. Kay sagad sa atong mga Maria dunay jd ikaduhang ngan sama sa Maria Cristina. Usa pod kini sa giingon nila sagad imurder o sayop o pamub-an nga ngan. Gikan sa Maria nahimo nalang Ma., Ma.?

Sa atong nasud dili si Maria ang nag-unang pangalan kon dili sila si Angel ug Nicole. Kamo unsay ipangan ninyo sa inyong anak? Maria? Pwede ra pod. Mas maayo pa na kaysa Gloria, Mikey, Kris, ug Mariel. Mas nindot paminawon kaysa kanta ni Rebecca Black, Justin Bieber ug Lady Gaga.

Sa katapusan atong hinumduman nga balaan ang pangan nga Maria para sa kadaghanan, usa ka tao nga napakabuhi sa kaayo, gugma ug panabang.