miss.u.is.u

Miss Universe 2011

Q: Would you change your religious views to marry the person you love?
A: “I would not…The first person that I love is my God…The person who loves me should love my God, too”

Sa atong pulong:
P: Utrohon ba nimo imong panlantaw sa relihiyon para minyoan ang tao nga imong hinigugma?
T: "Dili ko.... Ang unang tao nga akong gihigugma kay ang akong Ginoo. Ang tao nga nahigugma nako kinahanglan higugmaun sab niya ang akong Ginoo."

Lisud ba ang pangutana? Uu, dili, mura, depende. Sa tinuod lang, dili man lisud ang maong pangutana apan mag ignay ka sa imong pagtubag.

Kabalo tang tanan nga usa sa mga pinakasensitibo nga hisgotanan mao ang relihiyon, dili lang diri sa atong nasud kun dili sa tibook kalibutan. Relihiyon?, pirting daghana, naa pay sekta, kulto ug uban pa. Gikan sa Kristiyano, Islam, Hinduismo, Buddismo, ug uban pa. Nagkadaiyang mga pagtoo, panglantaw, pilosopiya, mga sulondon ug buhat ug uban pa.

Sa pangutana, way sakto ug wa say sayop nga tubag. Magdepende na sa tao sa iyang gitohoan. Kay bisan gane diri sa atong nasud nga parehag rag relihiyon, duna paman jud musukwahe, kana bang lahi pod ilang pagtoo. Ang uban sa ila nagtukod ug ilang grupo pero gipaagi gihapon sa naandan sa kahadluk nga way sumusunod nila kung lahiun nila kini. Ang uban gihimo pa ganeng negosyo gamit ang impluwensya grupo aron makadani ug laing mga membro aron makatigum ug dakong pondo ug makab-ot ang gusto sa mga pipila ka tao. Sa giingon pa, balaan ang atubangan, baw lang ug magtalikod.

Ang pangutana kabahin sa kaminyoon. Dakong babag jud ng pagtoo labi na diri na sa atoa. Naay moingon nga ayaw ana niya kay kuan na sila, kana rang sama nato nga kauban sa pagtoo ang minyoe. Naay sad makigminyo rapod ug ilang kaliwat tungod dunay silay igong rason alang niini. Dakong gubot jud sa pamilya ug magsupak ang usa ka tao bahin ini. Bilib kos pipila nga mga tao nga gipasulabi jud ang gugma sa kaysa pagtoo.

Ngano kaha lain-lain atong pagtoo? Usa raman tana atong boot ipasabot. Kay gusto lang ta malibog? Libog na daan.

Siguro sa ubang pagtoo naay moingon nga sakto ang tubag, labi na sa pamilya sa bae. Dili pod tngali ang tubag ug laki. Ug kitang naminaw ug nanan-aw motubag sad nga depende.

Ikaw? Imoha nalang na aron way samok. Daghan nag nakalas nga kinabuhi gikan pas panahon sa biblia hangtod sa panagbangi sa atong mga kaigsoonon gumikan sa mga na nagkauyon nga mga pagtoo. Husto na. Too ug too, ayaw ug ayaw, way pugsanay kay sa katapusan ug tinood man gane Siya ug dili, iya iya tag pamoot ug kinabuhi, mao pod ang atong kaluwasan.

Pahalipay kang Shamcey Supsup isip ika-3 sa Miss Universe 2011.