Udto Sa Palabaw

Inay naandan na natong mga Filipino inig oras tingpaniudo human ug pangaun ang dili kalikayan nga panagestorya kabahin sa bisan unsa sa atong palibot. May uban chika o tsismis pra sa mga babaye nga pwede pod sa mga lalaki. Dunay bahin sa mga panghitabo sa palibot sama sa mga balita sa mantalaan ug telebisyon. Naay sad bahin sa salida nga gitanaw, mabago man o makaraan, libro man, comics o manga, mataw man ang bida o ma cartoons.

Sa tunga-tunga aning mga panagbaylu ug kasayuran, dili na to malikayan nga naay mukalit ug sapaw nga mga estoryang palabaw o mas dali ilhon nga mga gara, may pagkahangin o pagkahambug. Mahimoot raba jd ta maminaw ani labi na pipila sa atong mga kaila ug kauban ang magsugod nag palabaw.

Usa sa mga timailhan ani ug moingon nga: 'wa rana sa ako/amo'. Basta gane moingon na ani, sugod na! Magpalabwanay na dayong ug estoryahe sa mga kasinatian ug kahibaw atubangan sa mga naminaw. May uban tinood tngali pero sagad aning mga estoryaha puro lang ginama sa mamugnaun nga pangisip natong mga Filipino. Kana bang puno sa imahinasyon. Sa mga tao nga kabalo nga mogamit ani, maila nato sila nga dili mahutdan ug estorya bisan pa tingale ug magbuntagay. Mga tao nga angay tingali ibutang ug naay haya aron dili dukaon ang magbilar. Usa baya kini nga talento nga kung magamit sa maayo makamugna ug mga bagong sugilon apan kung sa dautan man gane mahimo kaning usa ka dakong bakak nga mapasa ug sayop nga kahibalo sa katilingban. Ang alaot pa ug may masakitan.

Dili jud makumpleto atong  adlaw ug dili ka kadungog ug mga ingon ani nga pulong. Normal na ni sya sa atong inadlaw nga kinabuhi. Bisan man may pipila sa ato nga gitawag ug 'sentive', mga tao nga dalu maupset o malain, pero sagad gihapon nato ang masinabtanon ka kana gara-gara ra o pakatuk lang pawa sa kakapuy. Pipila sa atong mga kaigsoonan sa kauluhan nga makita nato sa telebisyon ang maau mopasundayag. Gane kita, moot pag-ayo. Grabeng hiki-hiki kuwang nalang hapit mkaihi.

Human ang pipila ka ngisi ug katawa, ang mga palabaw nga estorya, sama sa pagkaun, kinihanglan bagong haun. Kay ug dili gane, sumo pd paminawon.